“ბავშვთა სამყაროს” მიმდებარე ტერიტორიაზე ხანძრის შედეგად დაზარალებულმა მოვაჭრეებმა კარავი გაშალეს და შიმშილობა დაიწყეს.
როგორც აქციის მონაწილეები მიყენებული ზარალის კომპენსაციას მოითხოვენ. „ჩვენ ხელისუფლებას მივეცით 10 დღიანი ვადა, რომ შეესრულებინა მათი მოთხოვნები და ეს მოთხოვნა არის ზიანის და ზარალის სრული მოცულობით ანაზღაურება. დღეს მივიღეთ გადაწყვეტილება, რომ ყოველ დღე სამი ადამიანი იშიმშილებს, სანამ ჩვენი მოთხოვნები არ დაკმაყოფილდება“- აცხადებენ ისინი.
დაზარალებულებს შეხვდა “ბავშვთა სამყაროს” კომერციული დირექტორი გიორგი მაჭავარიანი, რომელმაც მოვაჭრეებს ურჩია, რომ დალოდებოდნენ საბოლოო დასკვნას, რის შემდეგაც მოხდებოდა კონკრეტული ზარალის გაწერა, თუმცა მის წინადადებას დაზარალებული მოვაჭრეებისგან უარყოფითი რეაქცია მოჰყვა.
ამ დროისთვის შიმშილობა 3 დაზარალებულ მოვაჭრეს აქვს გამოცხადებული.