ლეიბორისტული პარტიის” ლიდერმა, შალვა ნათელაშვილმა, პარტიის ოფისში გაერთიანებული ოპოზიციის შეხვედრის შემდეგ ჟურნალისტებთან კომენტარი გააკეთა.
ნათელაშვილის განცხადებით, მან ოპოზიციას შესთავაზა, რომ 20 ივნისს დისტანციის დაცვით რუსთაველის გამზირზე გაიმართოს აქცია, რათა ხელისუფლებას შეახსენონ, რომ ხალხს არ ავიწყდება მათი ნამოქმედარი.
“20 ივნისს დისტანციით დაცვით უნდა ჩატარდეს დიდი სახალხო თავყრილობა რუსთაველის პროსპექტზე, რათა კიდევ ერთხელ გავახსენოთ მთელს მსოფლიოს და რაც მთავარია ამ ხელისუფლებას, რომ ჩვენ არ გვავიწყდება მათი სიავე, მათი ბოროტება, მათი ნამოქმედარი 20 ივნისს და რომ წინააღმდეგობა ეს არის სახალხო და არა მარტო ოპოზიციური ან პოლიტიკური”, – განაცხადა ნათელაშვილმა.