მთავარისიახლეებიპოლიტიკაოპოზიციურ პარტიებს შორის კონსულტაციები დღეიდან განახლდება

ოპოზიციურ პარტიებს შორის კონსულტაციები დღეიდან განახლდება

Published on

შეხვედრა „ლეიბორისტული პარტიის“ ოფისში 14:00 საათზეა ჩანიშნული. ხელისუფლების ოპონენტები მმართველ გუნდთან 8 მარტს  მიღწეული შეთანხმების ორივე პუნქტის შესრულებას ითხოვენ, წინააღმდეგ შემთხვევაში, საპროტესტო აქციების განახლებას გეგმავენ. 

პარტია „ერთიან საქართველოში“ აცხადებენ, რომ ოპოზიციას ექნება კონსოლიდირებული პოზიცია და აიძულებს მმართველ ძალას, არ ჩაშალოს რვა მარტს მიღწეული შეთანხმება. 

ანზორ ბიწაძის თქმით, ხელისუფლებამ არ დააფასა ოპოზიციის მიერ გამოცხადებული სოლიდარობა კორონავირუსის წინააღმდეგ ბრძოლაში და სანაცვლოდ ამ დროის გამოყენება დაიწყო მის სასიკეთოდ.

„ქართულმა ოცნებამ“ ვერ შეიშნო და ვერ დააფასა ის სოლიდარობა, რომელიც ოპოზიციამ მას გამოუცხადა პანდემიის დროს. მან სანაცვლოდ ხან კლასტერი უძახა და შეურაცხმყოფელი განცხადებები გააკეთა. შემდეგ უკვე თაღლითური გზით დაიწყო შეთანხმების ჩაშლის მცდელობა. ოპოზიციას ექნება ერთიანი პოზიცია და აიძულებს ოცნებას, რომ ეს შეთანხმება შეასრულოს”, – აცხადებს ანზორ ბიწაძე.

„ლეიბორისტულ პარტიაში“ კი აქციების დაწყებასაც არ გამორიცხავენ და ამბობენ, რომ ამისკენ ოპოზიციას თავად ხელისუფლებამ უბიძგა ბოლო დროს განხორციელებული ქმედებებით.

„მეტი ძალისხმევაა საჭირო და ეს უნდა იყოს კოორდინირებული, რადგან ცალკე აღებული პარტიების ქმედებები აღარ არის საჭირო ამ უტიფარი მმართველი ძალის წინააღმდეგ. ის ცდილობს საკუთარ ბაღჩად გადაიფორმოს ქვეყანა. ერთიანი აქციების ალბათობა მაღალია და ეს დამოკიდებულია იმაზე, თუ როგორ მოიქცევა ხელისუფლება”, – ამბობს ლაშა ჩხარტიშვილი.

მას შემდეგ, რაც საგანგებო მდგომარეობა დაწესდა, ოპოზიციური პარტიები ამ ფორმატის ფარგლებში არ შეკრებილან. 

შეგახსენებთ, რომ მხარეებს შორის 8 მარტს მიღწეული შეთანხმება ორი ნაწილისგან შედგება და გულისხმობს 2020 წლის საპარლამენტო არჩევნებზე მანდატების 120/30-ზე პროპორციით განაწილებას, ასევე პოლიტპატიმრების გათავისუფლებას, თუმცა ბიძინა ივანიშვილის გუნდში ამბობენ, რომ შეთანხმებაში დაპატიმრებული პოლიტიკოსების გათავისუფლებასთან დაკავშირებით  არაფერი წერია.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...