რუსეთის პრეზიდენტის პრესსპიკერს, დიმიტრი პესკოვს კორონავირუსი დაუდგინდა. ინფორმაციას რუსული მედია ავრცელებს.
გავრცელებული ცნობებით, ის ამჟამად საავადმყოფოშია გადაყვანილი.
პესკოვის დაინფიცირების ამბავმა კითხვები გააჩინა, ხომ არ არის ვლადიმერ პუტინიც ინფიცირებული. თუმცა პესკოვის განცხადებით, მას ვლადიმერ პუტინი ერთ თვეზე მეტია არ უნახავს.
„ერთ თვეზე მეტი გავიდა რაც პირადად შევხვდით“,-აღნიშნა პესკოვმა რუსულ მედიასთან საუბარში.
შეგახსენებთ, რამდენიმე დღის წინ კორონავირუსი რუსეთის პრემიერ-მინისტრს, მიხეილ მიშუსტინს დაუდასტურდა.
რუსეთში, ბოლო დღე-ღამის მანძილზე კორონავირუსის 10 899 ახალი შემთხვევა გამოვლინდა და საერთო ჯამში ინფიცირებულთა რაოდენობამ 232243-ს მიაღწია. ამასთან, ბოლო 24 საათში კორონავირუსით 107 ადამიანი დაიღუპა და გარდაცვლილთა რაოდენობამ 2116 შეადგინა.
რუსეთში კორონავირუსისგან 43512 ადამიანია გამოჯანმრთელებული. აღსანიშნავია, რომ მსოფლიოში რუსეთი კორონავიურისთ ინფიცირებულთა რაოდენობით აშშ-სა და ესპანეთს შემდეგ მესამე ადგილზეა.