ქართველი “კანონიერი ქურდი” თენგიზ ლაკერბაია ოკუპირებულ აფხაზეთში, წინასწარი დაკავების იზოლატორში სცემეს.მას ფიზიკურად იმავე დაწესებულებაში მყოფი სხვა კრიმინალური „ავტორიტეტები“ გაუსწორდნენ.-ინფორმაციას ამის შესახებ აფხაზურ მედიაზე დაყრდნობით ნიუ პოსტი აქვეყნებს
საპატიმრო დაწესებულებაში პატიმრებმა პროტესტის ნიშნად შიმშილობა გამოაცხადეს, თუმცა აღმოჩნდა, რომ თენგიზ ლაკერბაია და კიდევ ერთი პატიმარი ჩუმად ჭამდნენ. ამ ფაქტს ხელჩართული ჩხუბი მოჰყვა.
ეს სისხლიანი დაპირისპირება აფხაზეთში კრიმინალური გავლენებისთვის ბრძოლას უკავშირდება. ცნობილია, რომ თენგიზ ლაკერბაიას მწვავე დაპირისპირება აქვს გავლენიან რაულ ბარცბასთან, რომლის დაჯგუფების ორი წევრი – ასლან ავიძბა და ასტამურ შამბა, სოხუმში რამდენიმე თვის წინ ჩაცხრილეს.
მომხდარში რაულ ბარცბას კლანი თენგიზ ლაკერბაიას და მის მოკავშირეებს ადანაშულებს.