ომანის ყურეში, ირანის პორტ ჯასკის მახლობლად წვრთნების დროს სამხედრო გემიდან რაკეტა შემთხვევით საკუთარი კატარღის მიმართულებით გაუშვეს. ამ ინფორმაციას BBC ავრცელებს. გამოცემის ცნობით, შემთხვევის დროს ირანელი სამხედროები ახალ იარაღს ცდიდნენ.
სარაკეტო დარტყმის შედეგად ხომალდი სახელად „კონარაკ“ მთლიანად განადგურდა. უცხოური მედიის ინფორმაცით, შემთხვევის შედეგად 19 ჯარისკაცი გარდაიცვალა, ხოლო 15 მძიმედ დაშავდა.