ბელარუსის დედაქალაქში COVID-19-ის პანდემიის მიუხედავად სამხედრო აღლუმი ჩატარდა. მეორე მსოფლიო ომში გამარჯვების 75-ე წლისთავის აღსანიშნავ აღლუმზე უამრავი ხალხი შეიკრიბა
საზეიმო აღლუმზე სიტყვით გამოვიდა ბელორუსიის პრეზიდენტი ალექსანდრე ლუკაშენკა, რომელმაც განაცხადა, რომ პანდემიის მიუხედავად სამხედრო აღლუმის გამართვა სწორი გადაწყვეტილებაა.
“ბელარუსი ამ მნიშვნელოვან თარიღს ზეიმობს, ასეთ რთულ დროს”, – თქვა ლუკაშენკომ 9 მაისს. – “თუმცა, ჩვენი ამჟამინდელი სიძნელეები ფერმკრთალდება იმ სირთულეებსა და დანაკარგთან შედარებით, რომელიც შეხვდა მსოფლიოს ყავისფერი ჭირისგან გადამრჩენელ, გმირ თაობას”.
„ამ შეშლილ სამყაროში იქნებიან ადამიანები, რომლებიც დაგვგმობენ ამ წმინდა მოვლენის ჩატარებისთვის, ნუ განგვსჯით, ჩვენ სხვა გამოსავალი არ გქონდა და რომც გვქონოდა, მაინც ასე მოვიქცეოდით.
დაე, წელს მინსკში გამართული სამხედრო მარში, იყოს ერთადერთი პოსტსაბჭოთა კავშირში, მთელი საბჭოთა გამარჯვების სიმბოლო გახდეს” – განაცხადა ლუკაშენკამ.
ცნობისათვის, ბელარუსი ერთადერთი ქვეყანაა ევროპაში, რომელმაც არ შემოიღო მკაცრი და მასშტაბური შეზღუდვები მოქალაქეთა გადაადგილებაზე, ხოლო მისმა ვეტერანმა პრეზიდენტმა პანდემიას “ფსიქოზი” უწოდა მიუხედავად იმისა, რომ ქვეყანაში ამ ინფექციის 21,000 დადასტურებული შემთხვევაა.
აღლუმს ათასობით მაყურებელი დაესწრო. ადგილზე 167 საპოლიციო პუნქტი იყო აღმართული. ტელევიზიით გავრცელებულ კადრებში ჩანდა ნიღბის გარეშე მისული ოფიციალური პირები და აღლუმის მონაწილეები
~ მიმდინარე კვირაში ლუკაშენკამ სხვა ქვეყნების ლიდერებს მოუწოდა აღლუმს დასწრებოდნენ. რუსეთს ბელარუსში მისი ელჩი წარმოადგენდა აღლუმზე. საკუთრივ რუსეთში გაუქმდა მასშტაბური ღონისძიებები