„ერთიანი ნაციონალური მოძრაობის“ წევრი ზაალ უდუმაშვილი აცხადებს, რომ ივანიშვილის გუნდი პანდემიას სათავისოდ, პოლიტიკურად იყენებს და არ უნდა მივცეთ საშუალება არჩევნები თავის თავზე მოირგოს.
არჩევნები უნდა ჩატარდეს ოქტომბერში და აუცილებლად უნდა ჩატარდეს იმ შეთანხმების შესაბამისად, რაც ვალდებულებებიც „ქართულმა ოცნებამ“ აიღო.
“დროა ლაპარაკი დავიწყოთ იმაზე, რომ დღესვე ვიცოდეთ რა ვითარებაში ვატარებთ არჩევნებს”.
“შემოდგომაზე უცბად არ აღმოვჩნდეთ ისეთ ვითარებაში, რომ ხელისუფლებამ გადაწყვიტა ამ ვითარებაში არჩევნების ჩატარება მისაღები არ იქნება.
ისინი ახლა თვლიან, აწყობთ თუ არჩვნები შემოდგომაზე და იმის მიხედვით იმოქმედებენ. თუმცა, არ უნდა დავუშვათ ოპოზიციამ მთლიანად, რომ ხელისუფლებამ თავის თავზე მოირგოს არჩევნების ჩატარების თარიღი. ჩვენ გავაკეთებთ ყველაფერს, გავაცოცხლებთ ყველა ფორმატს, რათა არ დავუშვათ, რომ ხელისუფლებამ ისე ჩაატაროს არჩევნები, როგორც მას აწყობს“, – განაცხადა უდუმაშვილმა.