ერთიანი ეროვნული გამოცდების ვადები არ გადაიწევს, ის ივლისში, იმავე ფორმატით ჩატარდება, როგორც ეს წინა წლებში ტარდებოდა- ინფორმაცია ამის შესახებ განათლებისა და მეცნიერების სამინისტრომ რამდენიმე დღის წინ გაავრცელა. აბიტურიენტებს გამოცდებამდე 2 თვე რჩებათ და შეიძლება ითქვას, რომ გაურკვევლობაში არიან, თუმცა აკადემიურ წლად გამოცხადებას მაინც არ ემხრობიან. ონლაინსწავლებამ აბიტურიენტების ნაწილს მოტივაცია დაუკარგა, ამბობენ, რომ ამ ფორმას ძალიან ბევრი უარყოფი მხარე აქვს, მაგრამ ისიც იციან, რომ ამ პირობებში სხვა ალტერნატივა არა აქვთ.აბიტირიენტები ფიქრობენ, რომ  ქვე­ყა­ნა­ში მიმ­დი­ნა­რე სი­ტუ­ა­ციის გამო ისი­ნი არ უნდა და­ზა­რალ­დნენ და გამოცდებზე შეღავათები უნდა დაწესდეს. 2020 წლის ერთიან ეროვნულ გამოცდებზე 39 300-ზე მეტი აბიტურიენტი დარეგისტრირდა. განათლების სამინისტროს ინფორმაციით, შეფასებისა და გამოცდების ეროვნული ცენტრი და სამინისტრო აქტიურად მუშაობენ საგამოცდო პროცესის უსაფრთხოდ ჩატარების გეგმაზე და მუდმივად გადიან კონსულტაციებს ჯანდაცვის სფეროს წარმომადგენლებთან. ამ რეკომენდაციების შედეგად განისაზღვრება გამოცდების ჩატარების ზუსტი თარიღები.