უკრაინელი ხალხი ჩვენი მეგობარია, უკრაინა კი – სტრატეგიული პარტნიორი, მაგრამ სტრატეგიული პარტნიორისგან მიუღებელია მძიმე დანაშაულისთვის გასამართლებული ადამიანის ვიცე-პრემიერად დანიშვნა”, – ამის შესახებ საქართველოს პრემიერმინისტრმა გიორგი გახარიან განაცხადა და აღნიშნა, რომ მისთვის მიუღებელია მიხეილ სააკაშვილის დანიშვნა უკრაინის მთავრობაში.

მისივე თქმით, მისთვის ასევე მიუღებელია ომონ-ისა თუ მილიციის მიერ მისი ქვეყნის პრეზიდენტის თმებით გამოთრევა რესტორნიდან:

“ჩემთვის ეს, ასევე, მიუღებელია”, – თქვა პრემიერმინისტრმა და დაამატა, რომ უკრაინიდან საქართველოს ელჩი ჯერ არ გამოუწვევიათ, თუმცა, რეაქცია აუცილებლად იქნება:

“ჩვენ ჯერ ელჩი არ გამოგვიწვევია, მაგრამ ასეთ ნაბიჯს, რასაკვირველია, საქართველოს მხრიდან რეაქცია მოჰყვება და, როგორც მინიმუმ, ელჩს გამოვიწვევთ კონსულტაციებისთვის”, – აღნიშნა საქართველოს პრემიერმინისტრმა.