საპროტესტო აქცია პარიზის გარეუბანში პატარა ქალაქ ბობინიში მასშტაბური არეულობით დასრულდა.
2 ათასამდე ადამიანი ქუჩაში პოლიციის ძალადობის წინააღმდეგ გამოვიდა. ,,სამართალი თეოსთვის!'' – ასეთი იყო აქციის მთავარი მესიჯი.
თეო ის ახალგაზრდაა, რომელიც 10 დღის წინათ სამართალდამცველთა ძალადობას ემსხვერპლა – მათ 22 წლის ფერადკანიან მამაკაცი სცემეს და გააუპატიურეს.
მომიტინგეებმა პოლიციელებს ხელნაკეთი ასაფეთქებლები ესროლეს, დაწვეს მანქანები და დაარბიეს მაღაზიის ვიტრინები.
თავად დაზარალებული, რომელიც მოსახლეობას სიმშვიდისკენ მოუწოდებს, საავადმყოფოში საფრანგეთის პრეზიდენტმა მოინახულა.
4 პოლიციელი კი, რომელთა წინააღმდეგაც გამოძიება მიმდინარეობს, სამსახურიდან დაითხოვეს.