ხელისუფლებაში საგანგებო მდგომარეობის გაგრძელებაზე ფიქრობენ. პრესა.ჯის ინფორმაციით, კვირის დასაწყისში უკვე ჩაინიშნა პარლამენტის ბიუროს სხდომა. 

მომდევნო კვირის ბოლომდე ჩაინიშნება პარლამენტის რიგგარეშე სესიაც, სადაც დიდი ალბათობით, საგანგებო მდგომარეობის გაგრძელებას უყრიან კენჭს.

სახელმწიფო კანცელარიაში, საგანგებო მდგომარეობის გაგრძელებას კორონავირუსთან ბრძოლის პრევენციის აუცილებლობით ხსნიან.

თუმცა, ამავე დროს, ეს იმასაც ნიშნავს რომ კიდევ რამდენიმე კვირით დარჩება ათი ათასობით ოჯახი შემოსავლის გარეშე.

პანდემია-ეპიდემიის გამო, საქართველოში, საშუალოდ,100 ათასმა ადამიანმა დაკარგა სამსახური. 

ათასობით ოჯახი სახლშია გამოკეტილი საკვები პროდუქტებისა და დანაზოგის გარეშე, ხელისუფლება კი უარს ამბობს ფულად დახმარებაზე.

ეს მაშინ, როდესაც მთელ რიგ ქვეყნებში, უმუშევრად დარჩენილებს მთავრობებმა ფულადი დახმარება გაუწიეს.  

თუმცა, როგორც ჩანს, საქართველოში, უმუშევრად დარჩენილი ოჯახები მომდევნო ერთ თვეს კვლავ მძიმე სოციალურ პირობებში გაატარებენ.

ამავე დროს, უმძიმეს მდგომარეობაშია ბიზნესიც. ხელისუფლებამ არც გადასახადები დაწია და არც ინკასოზე თქვა უარი, რითაც ათასობით კომპანია და იქ დასაქმებული ადამიანები გამოუვალ მდგომარეობაში ჩააგდო.

წყარო https://presa.ge/?m=society&AID=81407