ჩინეთმა ოფიციალურად აკრძალა ძაღლების გამოყენება საკვებად: ახალ კანონში მითითებულია, რომ ეს ცხოველი ამოღებულია იმ ცოცხალი არსებების სიიდან, რომელთა საკვებად გამოყენება დასაშვებია მოქალაქეებისთვის.
გადაწყვეტილების მიზეზი განმარტებული არ არის, თუმცა კანონის მიღება ფორსირებულ რეჟიმში, სავარაუდოდ, კორონავირუსის პანდემიას უკავშირდება.
სამინისტროს განცხადებაში აღნიშნულია, რომ ცივილიზაციის კვალდაკვალ, ძაღლები ადამიანების კომპანიონები გახდნენ და მათი დაკვლა აიკრძალა.