თბილისის მერი კახა კალაძე ლერმონტოვის ქუჩაზე ავარიული შენობის დემონტაჟის დროს მომხდარ ნგრევას და მუშების დაშავებას ეხმაურება.
“დაზღვეული არავინაა, რაც არ უნდა უსაფრთხოების წესები დაიცვა, ხდება ხოლმე ასეთი შემთხვევები, სამწუხაროდ, რომ მერია დაზარალებულებს და მათ ოჯახებს დაეხმარება. ” – ამბობს კალაძე, –
“ეს არის ის კომპანიები, რომლებიც ძველი თბილისის რეაბილიტაციას ახორციელებენ. შეიძლება ითქვას, რომ ყველაზე მეტი გამოცდილება გააჩნიათ ამ კომპანიებს ამ მიმართულებით მუშაობის და სამუშაოების უსაფრთხოება როგორც ჩვენთვის, ასევე მათთვის არის უმნიშვნელოვანესი.”
ცნობისათვის, დღეს დილით 3-სართულიანი შენობის დემონტაჟის დროს 3 მუშა ნანგრევებში მოყვა. საგანგებო სიტუაციების მართვის სამსახურის ინფორმაციით, მუშები მძიმედ არ დაშავებულან ისინი მეხანძრე-მაშველებმა მალევე ამოიყვანეს.სამივე მათგანი კონტაქტურია და მსუბუქად არიან დაშავებული.