“მთავარი არხის” ინფორმაციით, 30 წლის მამაკაცი, რომელიც ლომბარდში მუშაობდა, ინფექციური საავადმყოფოდან ისე გაწერეს, რომ ტესტირება არ ჩაუტარდა. აღნიშნული პირი სატელეფონო ინტერვიუში საუბრობს, რომ მას ჰქონდა კორონავირუსის სიმპტომები, თუმცა მიუხედავად ამისა, უფასო ტესტირებაზე უარი უთხრეს. საავადმყოფოდან გაწერის შემდგომ, რამდენიმე დღე, ის თერჯოლაში მკურნალობდა, თუმცა იზოლაციაში ყოფნის გარეშე. ბოლოს მისი მდგომარეობა დამძიმდა და ამის შემდგომ მოხდა მისი შემოწმება კორონავირუსზე, რამაც დადებითი რეზულტატი აჩვენა.

არსებობს ვარაუდი, რომ კორონავირუსი ახალგაზრდა მამაკაცს ფულთან კონტაქტის გზით გადაედო, რაც ახალ კლასტერზე მიუთითებს, რომელიც კიდევ ერთი დადასტურებაა სწრაფი ტესტების ჩატარების აუცილებლობის, – რომელიც მინიმალურ დონეზეა დღესდღეობით – რათა ვირუსის მართვა შესაძლებელი გახდეს. აღნიშნული მით უფრო მნიშვნელოვანია, რომ ხშირად კორონავირუსი უსიმპტომოდ მიმდინარეობს, რაც გავრცელებას მნიშვნელოვნად ზრდის, აგრესიული ტესტირება კი მსგავს რისკს ამცირებს

აღსანიშნავია, რომ დღევანდელი ხელისუფლებას სწორედ ტესტირების საჭირო რაოდენობით ვერ ჩატარების გამო აკრიტიკებენ. ასევე ვრცელდება ინფორმაცია, რომ მილიონ ლარზე მეტი გადახდილი თანხა ჩინური წარმოშობის ტესტებისთვის – უვარგისი გამოდგა

ავტორი – ლევან თორია