ზუგდიდის ივერიის ყოვლადწმიდა ღმრთისმშობლის სახელობის ტაძარი გაძარცვეს. ინფორმაცია სოციალურ ქსელში ზუგდიდისა და ცაიშის ეპარქიამ გაავრცელა. ტაძრიდან წაღებულია ჯვარი, ხატი და საცეცხლური. “წუხელ მოიპარეს სავარაუდოდ. დღეს, რომ მოვიკითხეთ აღარ იყო. თვითონ ტაძრის კარი არ იკეტებოდა, რადგან მშენებარეა და მშენებლები შედიოდნენ. გალავნის კარი იკეტებოდა, სავარაუდოდ ბოროტმოქმედები იქიდან შემოვიდნენ. წაღებულია, საცეცხლური, მაცხოვრის ხატი და ტრაპეზის ჯვარი”,- ამბობს მამა დიმიტრი ვეკუა.