ყოფილი რაიონული საავადმყოფოს კომპაქტურად ჩასახლებული დევნილები თბილისამდე ფეხით ჩასვლას და პრემიერ-მინისტრთან შეხვედრას გეგმავენ. დევნილების თქმით, შენობა ამორტიზებულია და საცხოვრებლად უვარგისია, ისინი ექსპერტიზის დასკვნას და ალტერნატიული ფართის დაუყოვნებლივ მოძებნას ითხოვენ.დევნილები ამ დრომდე საავადმყოფოს ეზოში არიან, „პრემიერ-მინისტრო დაგვიცავი“, ჩვენი უფლებები ირღვევა“- ამ შინაარსის ტრანსპარანტებით ისინი თბილისში ფეხით ჩასვლას მცირეწლოვანი ბავშვებისა და მოხუცების თანხლებით აპირებენ.