საქართველოში COVID-19-ისგან გამოჯანმრთელებული 8 პაციენტი დღეს ბინაზე გაეწერება.
ეკატერინე ტიკარაძის თქმით, გამოჯანმრთელებული პაციენტები უკვე თვითიზოლაციაში კვლავ ექიმების დაკვირვების ქვეშ დარჩებიან.
მინისტრის განცხადებით, დღის ბოლოს ინფორმაციას კიდევ 3 პაციენტზე ელოდებიან და იმედოვნებენ, რომ მათი პასუხიც კორონავირუსზე უარყოფითი იქნება.
“დღეს ჩვენი ექიმების შრომამ გამოიღო შედეგი და ეს ძალიან სასიხარულო ამბავია როგორც ჩვენთვის, ასევე მოქალაქეებისთვის. 8 პაციენტი არის უკვე გამოჯანმრთელებული, რომელიც დღეს გაეწერება სახლში, მაგრამ მიუხედავად ამისა ისინი, რა თქმა უნდა, როგორც მითითებული არის მსოფლიო ჯანდაცვის ორგანიზაციის რეკომენდაციებში, კიდევ იქნებიან ექიმების დაკვირვების ქვეშ უკვე თვითიზოლაციაში.
დღეს დღის ბოლოს ველოდებით კიდევ დამატებით 3 პაციენტზე ინფორმაციას და ძალიან დიდი იმედია გვაქვს, რომ ამ პაციენტებსაც როგორც ჯანმრთელებს ხვალ უკვე სახლში გავწერთ,” – განაცხადა ჯანდაცვის მინისტრმა ეკატერინე ტიკარაძემ.