ზუგდიდიდან პურის ფქვილი აქტიურად გააქვთ სხვა ქალაქებში. ზუგდიდის წისქვილკომბინატ „ცერერას“ დირექტორის ბესო ხაინდრავას ინფორმაციით,საწარმო სამმაგი დატვირთვით საგანგებო რეჟიმში მუშაობს. დაფქვილი პურის ფქვილის გატანა ზუგდიდიდან საქართველოს რამდენიმე ქალაქშიგაზრდილია. „ორი თვის მარაგი გვაქვს ზუგდიდში,თუმცა ავღნიშნავ, რომ სამმაგი დატვირთვით ვმუშაობთ, კორონავირუსის გავრცელების შემდეგ…დეფიციტი ჯერ არ გვაქვს… საპანიკო არაფერია,მინდა დავამშვიდო ზუგდიდელები,რამდენიც გადის ზუგდიდიდან ხორბალი,იმაზე მეტი შემოდის. ამ დროისთვის ვაგზავნით ფქვილს ხობში, ფოთში, სენაკში, თელავში, ახალციხეში, გორში, თბილისში და სხვა ქალაქებში. მოგეხსენებათ, ქუთაისში, ზესტაფონში, თელავში არ არის წისქვილკომბინატი და ამიტომ აქედან ზუგდიდიდან მარაგდებიან, ასევე არ გაზრდილა ჯერჯერობით ხორბალზე ფასი“,- აცხადებს ხაინდრავა. მოსახლეობა დილიდან პანიკაშია, მათი თქმით, ზუგდიდიდან პურის ფქვილი საქართველოს სხვადასხვა რეგიონში გააქვთ და აქ დეფიციტი შეიქმნება