საქართველოში პირბადეების წარმოება დაიწყო. სამკერვალო ფაბრიკა „აჭარა ტექსტილმა” გადააწყო თავისი სამეწარმეო ხაზი და დაიწყო სამედიცინო პირბადეების დამზადება.
„ნედლეული მიღებული გვაქვს და დავიწყეთ წარმოება. ხვალ დილიდან უკვე შეგვიძლია მზა პროდუქცია მივაწოდოთ ეკონომიკის სამინისტროს“- განაცხადა „აჭარა ტექსტილის“ ფინანსურმა დირექტორმა გია ლომინაძემ.
მისივე თქმით, კომპანიამ ეკონომიკის სამინისტროს სოციალური პასუხისმგებლობიდან გამომდინარე, 500 000 პირბადის უსასყიდლოდ დამზადება შესთავაზა.