მთავარისიახლეებისაზოგადოებადონალდ ტრამპს კორნავირუსი არ დაუდგინდა

დონალდ ტრამპს კორნავირუსი არ დაუდგინდა

Published on

ტესტირების გავლის შემდეგ, ამერიკის შეერთებული შტატების პრეზიდენტს დონალდ ტრამპს კორონავირუსი არ დაუდგინდა. თეთრი სახლის მიერ გავრცელებულ ინფორმაციაში ნათქვამია, რომ პასუხი უარყოფითია.

ამერიკის შეერთებული შტატების პრეზიდენტმა ვირუსზე ტესტის გაკეთება მას შემდეგ გადაწყვიტა, რაც ცნობილი გახდა, რომ ბრაზილიის პრეზიდენტის დელეგაციის რამდენიმე წევრს “კოვიდ 19” დაუდასტურდა. გასულ კვირას დონალდ ტრამპმა მათ ფლორიდაში, სადილზე უმასპინძლა.

რაც შეეხება ქვეყანაში ამოქმედებულ უსაფრთხოების დამატებით ზომებს, აშშ-ში შესვლა უცხო ქვეყნის იმ მოქალაქეებსაც შეეზღუდათ, რომლებიც ბოლო 14 დღის განმავლობაში დიდ ბრიტანეთსა და ირლანდიაში იმყოფებოდნენ. გადაადგილებასთან დაკავშირებული შეზღუდვა არ მოქმედებს აშშ-ის მოქალაქეებსა და მუდმივი ცხოვრების უფლების მქონე პირებზე. ამ დროისთვის, შეზღუდვები შენგენის ზონის 26 სახელმწიფოსთვის არის დაწესებული. ამერიკაში 3 ათასამდე ინფიცირებული და 90 გარდაცვლილია.

“პრეზიდენტმა მიიღო გადაწყვეტილება ფრენების შეჩერებასთან დაკავშირებით. მათ შორის გაერთიანებულ სამეფოსა და ირლანდიასთან. გადაწყვეტილება უკვე ძალაში შევიდა. ვფიქრობ, ვირუსი კიდევ უფრო რომ არ გავრცელდეს ეს საშუალება ეფექტურია. შეზღუდვები არ შეეხებათ ჩვენს იმ მოქალაქეებს ვინც ამ ქვეყნებიდან მოემგზავრებიან,” – განაცხადა აშშ-ის ვიცე-პრეზიდენტმა მაიკ პენსმა. 

156 930 ინფიცირებული და 5 839 გარდაცვლილი – კორონავირუსმა, რომელმაც ერთ ქვეყანაში იფეთქა, ეტაპობრივად უკვე 150-ზე მეტ სახელმწიფოში შეაღწია. ქვეყნები საგანგებო რეჟიმში მუშაობენ. 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...