დღეს დილით , ადგილობრივი დროით  7  საათზე ბიშკეკის მახლობლად, დასახლებულ პუნქტში  Turkish Airlines-ის კუთვნილი თვითმფრინავი ბოინგ 747  . ავიაკატასტროფის ადგილას ამ დრომდე მიმდინარეობს  სამაშველო სამუშაოები, თვითმფრინავის ნაშთებსა და შენობების ნანგრევებში  დაღუპულებსა და დაშავებულებს ეძებენ.

ბოლო მონაცემებით, დაღუპულია   32 ადამიანი, მათ შორის მცირეწლოვანი ბავშვები. დაშავებულია 11 ადამიანი, რომელიც მძიმე ტრავმებით საავადმყოფოშია გადაყვანილი. დაღუპულთა და დაშავებულტა შორის არიან ეკიპაჟის წევრები, მგზავრები და ადგილობრივი მცხოვრებლები, რომელთა სახლებზე დაეცა თვითმფრინავი,   ავიაკატასტროფის შედეგად დანგრეულია 30 სახლი. 

თვითმფრინავი   ჰონგ კონგი-სტამბოლის რეისს ბიშკეკის გავლით ასრულებდა. კატასტროფა მოხდა, როცა სრულდებოდა   მანევრი მანასას აეროპორტში დაშვებისათვის, მაგრამ  ასაფრენი ბილიკიდან 2 კილომეტრის დაშორებით მდებარე სოფელში ჩამოვარდა და ხანძარი გაუჩნდა. 

ყირგიზეთის მთავრობაში უკვე შეიქმნა კომისია, რომელიც ავიაკატასტროფის გამომწვევ მიზეზებს შეისწავლის.

ხელისუფლების გადაწყვეტილებით, სამძებრო-სამაშველო სამუშაოების დასრულებამდე ქვეყნის მთავარი საერთაშორისო აეროპორტი დახურული იქნება. სამაშველო ჯგუფებთან ერთად, ტრაგედიის ადგილას უკვე ჩავიდა ყირგიზეთის პრემიერმინისტრი, პრეზიდენტმა კი ჩინეთში დაგეგმილი ვიზიტი გადადო. 

17 იანვარი ყირგიზეთში გლოვის დღედ არის გამოცხადებული