მთავარისიახლეებიპოლიტიკახელისუფლებას არ გამოუვა უკან წაიღოს შეთანხმება პოლიტპატიმრების გათავისუფლების შესახებ - გაერთიანებული...

ხელისუფლებას არ გამოუვა უკან წაიღოს შეთანხმება პოლიტპატიმრების გათავისუფლების შესახებ – გაერთიანებული ოპოზიცია დათმობას არ აპირებს

Published on

კვირას მიღებული შეთანხმების კომპრომისული ვარიანტი ოპოზიციისთვის ამომწურავი არ აღმოჩნდა. გარდა ოლქებისა და ბარიერებისა, მათ კიდევ ერთი საკითხი აქვთ გადასაწყვეტი. ეს იმ პატიმრების გათავისუფლებაა, ვინც 20 ივნისისა და მას შემდეგ განვითარებული პოლიტიკური პროცესების გამო დააკავეს.

8 მარტს, შეთანხმებიდან გამოსულმა ოპოზიციამ თქვა, რომ მათ მიიღეს დაპირება პოლიტპატიმრების გათავისუფლების შესახებაც. გაჟღერდა კონკრეტული გვარებიც – უგულავა, ოქრუაშვილი, თამლიანი, რურუა და სავარაუდო სამართლებრივი მექანიზმები, რითიც მოხდებოდა მათი გათავისუფლება.

ხელისუფლება კი ყველა შემდეგ განცხადებაში ამ დრომდე იმეორებს, რომ არავის გათავისუფლებას აპირებს და რომ „ქართული ოცნების“ ხელისუფლებას პოლიტპატიმრები არ ჰყავს.

გუშინ ოპოზიციამ ამ საკითხზე ლეიბორისტების ოფისში შეკრების დროსაც ისაუბრა, შემდეგ კი ერთობლივი განცხადებაც გაავრცელა.

„პოლიტიკური პროცესის სანდოობისა და დადებული შეთანხმების შესრულების მიზნით, მნიშვნელოვანია რომ აღარ მოხდეს ამ ადამიანთა მიმართ მიღებული პოლიტიკური გადაწყვეტილების შემდგომი გადახედვა ან სხვა პოლიტიკური საქმეების მეშვეობით მათი საპატიმროებში დაბრუნება. ასევე მნიშვნელოვანია რომ სხვა პოლიტიკური ლიდერებისა და აქტივისტების მიმართ არ გადაიდგას ახალი რეპრესიული ნაბიჯები“, – აღნიშნულია განცხადებაში.

„ქართული ოცნების“ წარმომადგენლები ტყუილს უწოდებენ  გაერთიანებული ოპოზიციის ლიდერების განცხადებას, რომ ხელისუფლებასთან მიღწეული შეთანხმება ითვალისწინებს გიგი უგულავას, ირაკლი ოქრუაშვილის, გიორგი რურუასა და ბესიკ თამლიანის გათავისუფლებასაც.

სიახლეები

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...

ფონიჭალაში, კორპუსში აფეთქების ადგილზე საგამოძიებო მოქმედებები გრძელდება

ფონიჭალაში, სადაც გუშინ, საცხოვრებელი კორპუსის მეხუთე სართულზე ბუნებრივი აირის დაგროვების შედეგად აფეთქება მოხდა, საგამოძიებო...

ევროკომისიამ ევროკავშირის სანქციების ოფისი შექმნა

ევროკომისიამ ევროკავშირის სანქციების ოფისი შექმნა, რუსეთის წინააღმდეგ დაწესებული შეზღუდვების აღსრულებას განსაკუთრებით ამკაცრებს ევროკომისიამ ევროკავშირის სანქციების...