საქართველოს ყოფილი პრეზიდენტი მიხეილ სააკაშვილი საკუთარ Facebook-გვერდზე საარჩევნო სისტემასთან დაკავშირებით ხელისუფლებისა და ოპოზიციის შეხვედრას ეხმიანება.
როგორც სააკაშვილმა განაცხადა, ნებისმიერი მოლაპარაკებები პოლიტპატიმრების გათავისუფლების გარეშე მისთვის მიუღებელია.
„ნებისმიერ მოლაპარაკებებში საარჩევნო სისტემასთან დაკავშირებით, ჩემთვის პრინციპული საკითხია არამხოლოდ იმ პატიმრების გაშვება, რომელთა მიმართ ჯერ არ დამდგარა “განაჩენი”, არამედ გიგი უგულავას და სხვა პოლიტპატიმრების…
ამის გარეშე რაიმე შეთანხმებაზე ლაპარაკი მე პირადად საერთოდ გამორიცხულად მიმაჩნია. რა თქმა უნდა, თავად გიგის პოზიცია დასაფასებელი და ყურადსაღებია“, – წერია სააკაშვილის პოსტში.