როდის გაიმართება ოპოზიციასა და ხელისუფლებას შორის მოლაპარაკებების მომდევნო რაუნდი, ამას მხარეები არ აკონკრეტებენ, თუმცა გავრცელებული ინფორმაციით, ასეთი შეხვედრა, შესაძლოა, უახლოეს დღეებში გაიმართოს.
ხელისუფლების ოპონენტების მოთხოვნები უცვლელია: გათავისუფლდნენ პოლიტპატიმრები და უახლოესი არჩევნები ჩატარდეს პროპორციულთან მაქსიმალურად მიახლოებული მოდელით. „ქართულ ოცნებაში“ ამბობენ, რომ დიალოგისთვის მზად არიან, მაგრამ ქვეყანაში პოლიტპატიმრების არსებობას არ აღიარებენ. შეერთებული შტატების ელჩის რეზიდენციაში დიპლომატები ოპოზიციონერ ლიდერებს დღეს ინდივიდუალურად შეხვდნენ. საუბარი კი, სავარაუდოდ, საარჩევნო სისტემას შეეხებოდა. არსებული ინფორმაციით, ელჩების ჩართვით, ხელისუფლებასა და ოპოზიციას შორის მოლაპარაკებები უახლოესი ორი დღის განმავლობაში შედგება.