ინფექციური საავდმყოფოს დირექტორის, მარინა ეზუგბაიას განცხადებით, საქართველოში კორონავირუსის მე-10 შემთხვევა დადასტურდა.
მისი თქმით, პაციენტს კონტაქტი ჰქონდა ინფიცირებულ პაციენტთან.
“ეს არის ერთ-ერთი კონტაქტი, რომელიც ჩვენს ცენტრში, როგორც დადასტურებული ისე შემოვიდა. გუშინ დადსტურდა კონტაქტების კვლევის შედეგების მიხედვით. მეოთხე დადასტურებული შემთხვევის ჯგუფიდან არის ერთ-ერთი კონტაქტი”,- თქვა მარინა ეზუგბაიამ.
მისი თქმით, ამ ჯგუფთან კონტაქტში მყოფი პირების კვლევა გრძელდება. დღეს ტესტირება კიდევ 17 ადამიანს ჩაუტარდება. მისივე განცხადებით, ინფექციურიში მოთავსებული 10 პაციენტიდან მხოლოდ ერთის მდგომარეობაა საშუალოზე მძიმე.