ხმაურისა და დაპირისპირების ფონზე დატოვა საკრებულოს სხდომა „ევროპული საქართველოს“ წევრმა ბათლომე შელიამ. მან დღის წესრიგის შეცვლა და აუდიტის ანგარიშის განხილვის გადმოტანა მოითხოვა, რასაც უმრავლესობა არ დაეთანხმა. ქართული ოცნების დეპუტატების გაღიზიანება გამოიწვია ბათლომე შელიას მიერ გიგი უგულავას ხსენებამ, რასაც დარბაზში ხმაური და დაპირისპირება მოყვა. შელიამ კი დეპუტატებს ასე მიმართა: „ქურდების გადაწყვეტილებებზე, რომ დადიხართ ისეთი ხელისუფლება მელაპარაკებით მე?“. ხმაური და დაპირისპირება დაახლოებით ნახევარ საათს გაგრძელდა, რის შემდეგაც დეპუტატმა სხდომა პროტესტის ნიშნად დატოვა.
მანამდე ბათლომე შელია შპს აგროსერვისის დაფინანსების საკითხსაც გამოეხმაურა და განაცხადა: „რას ნიშნავს შანსი მივცეთ ფეხბურთის გუნდია?“.
შეგახსენებთ, რომ შპს აგროსერვისის ფინანსური ხელშეწყობისთვის ბიუჯეტიდან 250 ათასი ლარი გამოიყოფა. ეს ის კომპანიაა, რომლის უფუნქციობაზე სახელმწიფო აუდიტის დასკვნაშია ნათქვამი..