“საერთაშორისო გამჭვირვალობა – საქართველოს” კვლევის მიხედვით,  სახელმწიფო რწმუნებულების ადმინისტრაციებს შორის, ყველაზე დიდი ოდენობით საწვავი სამეგრელო-ზემო სვანეთის ადმინისტრაციამ დახარჯა. შარშან 46 ათას 538 ლიტრი საწვავი დაიხარჯა, რომლის ღირებულებაც 101 ათას 881 ლარია.2018 წელს კი უფრო ნაკლები – 40 ათას 522 ლიტრი, რასაც 88 ათას 208 ლარი დახარჯეს. სამეგრელო-ზემო სვანეთში სახელმწიფო ადმინისტრაციას 11 ავტომანქანა ემსახურება.  “საერთაშორისო გამჭვირვალობა – საქართველოს” კვლევის მიხედვით, შარშან მათ დიაგნოსტიკასა და შეკეთებაზე გაწეულმა ხარჯმა 26 ათას 818 ლარი შეადგინა, 2018 წელს საამისოდ 55 ათას 787 ლარი დაიხარჯა. ხარჯების ჯამური ოდენობით სამეგრელო-ზემო სვანეთის სამხარეო ადმინისტრაცია პირველ ადგილზეა.