მთავარისიახლეებიპოლიტიკაარ ვაპირებ არც ერთ მწვავე პოლიტიკურ საკითხზე პირადი პოზიციის დაფიქსირებას: მე ზეპარტიული...

არ ვაპირებ არც ერთ მწვავე პოლიტიკურ საკითხზე პირადი პოზიციის დაფიქსირებას: მე ზეპარტიული პრეზიდენტი ვარ

Published on

საქართველოს პრეზიდენტის ყოველწლიური მოხსენება პარლამენტში უკვე დასრულდა. მას მხოლოდ “ქართული ოცნების” დეპუტატები და ამ პარტიიდან ბოლო თვეებში წასული დეპუტატების ნაწილი ესწრებოდნენ. სხდომაზე არ იმყოფებოდნენ ფრაქცია “დამოუკიდებელი დეპუტატების” წევრები. კვლავ ბოიკოტის რეჟიმში რჩებიან “ევროპული საქართველო” და “ნაციონალური მოძრაობა”. მოხსენება არ მოუსმენია არც პატრიოტთა ალიანსს.

სალომე ზურაბიშვილმა განაცხადა, რომ კონსტიტუციით დადგენილი უფლება-მოვალეობებიდან გამომდინარე, არ აპირებს პოლიტიკურ ჭიდილში ჩაბმას და არც ერთ მწვავე პოლიტიკურ საკითხზე პირადი პოზიციის დაფიქსირებას:

„არა იმიტომ, რომ საკუთარი მოსაზრება არ გამაჩნია, არა იმიტომ, რომ ვინმესი მეშინია, არამედ იმიტომ, რომ მიუკერძოებელი, დამოუკიდებელი და ზეპარტიული პრეზიდენტი პარტიებსა და საზოგადოებას საკუთარ აზრებს თავს არ მოახვევს“, – განაცხადა სალომე ზურაბიშვილმა.

პარლამენტის წინაშე ყოველწლიური სიტყვით გამოსვლისას მან აღნიშნა, რომ მიუკერძოებლობის მიუხედავად, არ უნდა გამოირიცხოს პრეზიდენტის პოლიტიკური როლი ქვეყნის სტაბილურობასა და საზოგადოების დამშვიდებაში ხელშესაწყობად. ამ მიზნით, პრეზიდენტმა განაცხადა, რომ ძალაში რჩება მისი წინადადება, საპრეზიდენტო პლატფორმა გამოყენებული იყოს პოლიტიკურ ძალებს შორის დიალოგისათვის:

„დღეს იმედიანად ვარ, რამეთუ ბოლო დღეებში პოლიტიკური შეთანხმებისკენ ნაბიჯები იდგმება. თუმცა, საბოლოო შედეგი ჯერ არ დამდგარა. ამ დროს ყველას უნდა გვახსოვდეს, რომ დიალოგს ალტერნატივა არ გააჩნია“, – განაცხადა სალომე ზურაბიშვილმა. მისი შეფასებით, ყველას ეკისრება პასუხისმგებლობა იმისთვის, რათა ერთის მხრივ, “მშვიდობიანად მივიდეთ”, მეორეს მხრივ კი სამართლიან და თავისუფალ გარემოში ჩატარდეს საპარლამენტო არჩევნები – განაცხადა სალომე ზურაბიშვილმა.

სიახლეები

ევროკომისიამ ევროკავშირის სანქციების ოფისი შექმნა

ევროკომისიამ ევროკავშირის სანქციების ოფისი შექმნა, რუსეთის წინააღმდეგ დაწესებული შეზღუდვების აღსრულებას განსაკუთრებით ამკაცრებს ევროკომისიამ ევროკავშირის სანქციების...

აფეთქების შედეგად დაშავებული კაცის მდგომარეობა უმძიმესია, ის კვლავ მართვით სუნთქვაზე იმყოფება – ქაშიბაძე

დამწვრობის ცენტრის დირექტორის, გუგა ქაშიბაძის ინფორმაციით, ქვემო ფონიჭალაში, კორპუსში მომხდარი აფეთქების შედეგად დაშავებული 31...

22 ნოემბერი საქართველოში გლოვის დღედ გამოცხადდა

ქვემო ფონიჭალაში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 2026 წლის 22 ნოემბერი საქართველოში...

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...