მთავარისიახლეებიკონფლიქტებიოკუპირებული აფხაზეთის ოპოზიციის ლიდერს ასლან ბჟანიას დაუსვეს დიაგნოზი - პოლისეგმენტური...

ოკუპირებული აფხაზეთის ოპოზიციის ლიდერს ასლან ბჟანიას დაუსვეს დიაგნოზი – პოლისეგმენტური პნევმონია

Published on

ოკუპირებული აფხაზეთის ე.წ. ჯანდაცვის სამინისტროს ინფორმაციით, ოპოზიციის ლიდერს ასლან ბჟანიას პოლისეგმენტური პნევმონია აღენიშნება. აღნიშნული დიაგნოზი ე.წ. საპრეზიდენტო კანდიდატს კრასნოდარის საავადმყოფოში დაუსვეს, სადაც ის ინტენსიურ მკურნალობას გადის.

დე ფაქტო უწყების მიერ გავრცელებულ ინფორმაციაში ნათქვამია, რომ ამ დროისთვის ბჟანიას დადებითი დინამიკა აღენიშნება.

ამასობაში კი სოხუმში ასლან ბჟანიას მხარდამჭერები საპროტესტო აქციებს განაგრძობენ. ისინი ეგრეთ წოდებული პრეზიდენტობის კანდიდატის მოვალეობის შემსრულებლის, ვალერიან ბგანბას გადადგომასთან ერთად, ეგრეთ წოდებული ძალოვანი მინისტრების, რაიონული ხელმძღვანელებისა და ცენტრალური საარჩევნო კომისიის ხელმძღვანელის გადადგომასაც მოითხოვენ.

გუშინ ასლან ბჟანიას მხარდამჭერები აფხაზეთის ეგრეთ წოდებული პრეზიდენტის ადმინისტრაციაში მას შემდეგ შეიჭრნენ, რაც ცნობილი გახდა, რომ ასლან ბჟანია მწვავე ინტოქსიკაციის გამო, კრასნოდარის საავადმყოფოში გადაიყვანეს.

აფხაზეთის უმაღლესი საბჭოს თავმჯდომარის, ჯემალ გამახარიას ინფორმაციით, ოკუპირებულ აფხაზეთში ვითარება საკმაოდ დაძაბულია, რადგან დე ფაქტო ხელისუფლება აქციის მონაწილეების მოთხოვნების დაკმაყოფილებას არ აპირებს. საპასუხო აქციებს მართავენ კიდევ ერთი ე.წ. პრეზიდენტობის კანდიდატის, ადგურ არძინბას მომხრეებიც.

შეგახსენებთ,რომ ორი დღის წინ ასლან ბჟანია მოწამვლის ნიშნებით ჯერ სოჭის საავადმყოფოში, შემდეგ კი კრასნოდარში გადაიყვენეს. აფხაზეთში ე.წ.საპრეზიდენტო არჩევნები 22 მარტსაა დანიშნული.

სიახლეები

ევროკომისიამ ევროკავშირის სანქციების ოფისი შექმნა

ევროკომისიამ ევროკავშირის სანქციების ოფისი შექმნა, რუსეთის წინააღმდეგ დაწესებული შეზღუდვების აღსრულებას განსაკუთრებით ამკაცრებს ევროკომისიამ ევროკავშირის სანქციების...

აფეთქების შედეგად დაშავებული კაცის მდგომარეობა უმძიმესია, ის კვლავ მართვით სუნთქვაზე იმყოფება – ქაშიბაძე

დამწვრობის ცენტრის დირექტორის, გუგა ქაშიბაძის ინფორმაციით, ქვემო ფონიჭალაში, კორპუსში მომხდარი აფეთქების შედეგად დაშავებული 31...

22 ნოემბერი საქართველოში გლოვის დღედ გამოცხადდა

ქვემო ფონიჭალაში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 2026 წლის 22 ნოემბერი საქართველოში...

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...