ტენესის შტატში ტორნადოს შედეგად მინიმუმ 25 ადამიანი დაიღუპა. სტიქიამ დაანგრია 50 სახლი, სხვადასხვა სახის დაზიანება მიიღო 150 ადამიანმა. გრძელდება დაკარგული მოქალაქეების ძებნა.
დამანგრეველი ტორნადო ტენესის შტატს 3 მარტს ღამით დაატყდა თავს. შტატის დედაქალაქის, ნეშვილის ხელისუფლების თანახმად, ქალაქში დაინგრა 48 შენობა, დაზარალებულები გადაყვანილები არიან საავადმყოფოებში. ელექტროგაყვანილობის ხაზების დაზიანების გამო სამშაბათს ელექტროენერგიის გარეშე დარჩა 73 000 ადამიანი.