ზუგდიდში, ჭავჭავაძის ქუჩაზე სროლის ხმა ისმოდა. როგორც ცნობილია, ე.წ. ქურდული სამყაროს წევრის გელა ქანთარიას სახლთან სროლა იმ დროს გაისმა, როცა ქანთარიამ პოლიციელები შენიშნა, ის გადმოვიდა მანქანიდან, ცეცხლი გაუხსნა პოლიციელებს,მას საპასუხო ცეცხლი გაუხსნეს სამართალდამცავებმაც, თუმცა, გელა ქანთარიამ მიმალვა მოახერხა. დაპირისპირების ადგილიდან გაქცეულ გელა ქანთარიას პოლიცია ამ დრომდე ეძებს. კრიმინალური ავტორიტეტი რუსეთში ცხოვრობს და საქართველოში ცოტა ხნის წინ ჩამოვიდა. ის სავარაუდოდ შემჩნეულია იარაღით, რის გამოც მასზე თვალთვალი ხორციელდებოდა. გელა ქანთარიას ოჯახის წევრების ინფორმაციით, ჩატარდა ჩხრეკა, თუმცა პოლიციელებს არაფერი წაუღიათ. თუმცა, ასევე ვცრელდება ინფორმაცია, რომ ეზოდან ამოღებულია ის ცეცხლსასროლი იარაღი, რომლითაც ქანთარიამ პოლიციელებს ესროლა. შსს ამ დრომდე არ აკონკრეტებს, ქონდა თუ არა მას იარაღი და უკავშირდება თუ არა ეს შემთხვევა ამ ფაქტს. შემთხვევა გუშინ მოხდა