"საერთაშორისო გამჭვირვალობა – საქართველომ" გამოქვეყნა დოკუმენტი , რომელიც შეიცავს რეკომენდაციებსა და შენიშვნებს ზუგდიდის 2017 წლის ბიუჯეტის პროექტთან დაკავშირებით .
ორგანიზაციის ზუგდიდის ოფისის კოორდინატორის არჩილ თოდუას თქმით, ბიუჯეტის პროგრამული ნაწილი მოითხოვს მეტ კონკრეტიკას, თითოეული პროგრამის მოსალოდნელი შედეგების მეტ სიცხადეს.
მან ყურადღება გაამახვილა საკითხზე, რომელიც ეხება პრიორიტეტების შერჩევას მოსახლეობის თანამონაწილეობით.
პრიორიტეტების შერჩევამდე მუნიციპალიტეტმა უნდა გამართოს შეხვედრები მოსახლეობასთან, რათა ბიუჯეტში მაქსიმალურად იქნას გათვალისწინებული მოქალაქეთა ყველა ჯგუფის ინტერესები, საჭიროებები და მოსაზრებები. ვფიქრობთ, ადგილობრივი მოსახლეობის ინტერესები, უპირველეს ყოვლისა, არსებული სოციალური და ინფრასტრუქტურული პრობლემების მოგვარებაა, ამდენად ბიუჯეტი მუნიციპალიტეტის წინაშე მდგარი ყველაზე მწვავე გამოწვევების გათვალისწინებისა და პროპორციულობის პრინციპის დაცვით უნდა შედგეს – აღნიშნა არჩილ თოდუამ – შესაბამისად , ორგანიზაციის მიერ შემუშავებულ დოკუმენტში არის შენიშვნები ცალკეული პროგრამის დაფინანსების მიზანშეწონილებასთან დაკავშირებით – ეს ეხება საფეხბურთო კლუბ „ზუგდიდის“ დაფინანსებას იმ პირობებში, როცა პასუხგაუცემელია კლუბსი სახსრების განკარგვასთან დაკავშირებით წარმოქმილი კითხვები. შენიშვნები და რეკომენდაციები ეხება ისეთ თემებსაც, როგორიცაა კულტურული ღონისძიებები, სოციალური პროგრამები, შეზღუდული შესაძლებლობის მქონე პირთა დახმარების ქვეპროგრამა, ივერიის ღვთისმშობლის ტაძრის მშენებლობა, სკოლამდელი აღზრდის ხელშეწყობის პროგრამა, მუნიციპალური ტრანსპორტი.
ორგანიზაციამ უკვე გადასცა დოკუმენტი ზუგდიდის მერიას .