მთავარისიახლეებისამართალიმალხაზ მაჩალიკაშვილი: სანამ არ იტყვის სახელმწიფო, დიახ, ჩვენ მოვკალით მძინარე ბავშვი...

მალხაზ მაჩალიკაშვილი: სანამ არ იტყვის სახელმწიფო, დიახ, ჩვენ მოვკალით მძინარე ბავშვი უდანაშაულოდ, კარავი იდგება

Published on

მალხაზ მაჩალიკაშვილი გუშინ ღამით პარლამენტის წინ საშობაო ქალაქის მოწყობის მიზეზით მისი და სხვა პროტესტანტების კარვების აღებას გამოეხმაურა.

მისი თქმით, ის ერთი დღე თბილისში არ იმყოფებოდა და სწორედ ამიტომ აიღეს გუშინ კარვები.

“იხელთეს დრო ჩემი აქ არ ყოფნით, მოვიდნენ 12 საათზე და აიღეს კარვები. სანამ არ იტყვის სახელმწიფო, დიახ, ჩვენ დავაშავეთ და მოვკალით მძინარე ბავშვი უდანაშაულოდ, კარავი იდგება. სანამ პარლამენტი არ შექმნის დროებით საგამოძიებო კომისიას, ბანერი იდგება. დღეს ყველა მშობელს ვთხოვ, არ მოიყვანონ ბავშვები, ყველაფერს საზღვარი აქვს. ეს არის დასისხლიანებული, დაკარგეს ბავშებმა თვალები, იქ ვდგავარ მე, უკვე მესამე წელს ვხვდები იქ, მესამე ახალ წელს”, – ამბობს მალხაზ მაჩალიკაშვილი.

გუშინ ღამით თბილისის მერიის დასუფთავების სამსახურმა პარლამენტთან განთავსებული კარვები და საპროტესტო ატრიბუტიკა – დროშები, გიორგი გახარიას ბიუსტი და ბანერები ნაგვის მანქანებით გაიტანა. მერიის განცხადებით ისინი იქ საშობაო ქალაქის მოწყობას აპირებდნენ, მათივე მტკიცებით, ამის შესახებ ინფორმაცია აქციის მონაწილეებს წინასწარ მიაწოდეს.

პარლამენტის წინ მიიტანეს ბატუტიც, რომელიც ღამევე გაბერეს, თუმცა დილით ის ჩაიფუშა.

საპროტესტო ატრიბუტიკის აღების შემდეგ, ადგილზე მივიდნენ სამოქალაქო აქტივისტები და ოპოზიციის წევრები. ისინი ადგილზე ბატუტის და ატრაქციონების გაშლას აპროტესტებდნენ, რა დროსაც, პოლიციამ მთლიანობაში 9 პირი დააკავა, მათ შორის, ნოდარ რუხაძე, ზუკა ბერძენიშვილი, ბექა კოკაია, ზურა მჟავანაძე და გიორგი მუმლაძე.

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...