შამგონაში მომხდარ შემთხვევას არასამთავრობოები და პოლიტიკური პარტიები ეხმაურებიან. სამოქალაქო საზოგადოება ერთხმად თანხმდება, რომ აუცილებლად უნდა დაიკითხოს ყველა ის ადამიანი, ვისაც მომხდართან შეხება აქვს და პასუხისმგებლობა უნდა აიღოს ყველა დამნაშავემ.
სამოქალაქო აქტივობისა და თანასწორობის ცენტრის თავმჯდომარე, ქალთა უფლებების დამცველი ციცინო შენგელია ამბობს, რომ აუცილებელია ცნობიერების ამაღლება ქალთა მიმართ ძალადობის შესახებ და საჯარო მოხელეებისთვის ტრენინგების ჩატარება, რადგან, მისი თქმით, სწორედ ინფორმაციის არქონის თუ გულგრილობის შედეგია ის, რაც შამგონაში მოხდა.
ეკა მიქავას თვითმკვლელობამდე მიყვანაში გარდაცვლილის ოჯახი ქმარს ადანაშაულებს და ამბობენ, რომ ის მეუღლეს სცემდა და ცხედარს დაზიანებებიც აღენიშნება. დაღუპულს, რომელიც საბავშვო ბაღის პედაგოგი იყო, 3 მცირეწლოვანი შვილი დარჩა. 35 წლის ეკა მიქავამ, მეზობლის, სოფელ შამგონის მაჟორიტარი დეპუტატის სახლის დამხმარე ნაგეგობაში მოიკლა თავი. გარდაცვლილი ზუგდიდის საკრებულოს წევრმა, ზაზა ხუბუამ ნახა.