საქართველოში გადამდები დაავადებებით განპირობებული ავადობისა და სიკვდილობის ტვირთი უკავშირდება ტუბერკულოზის, აივ/შიდსსა და C ჰეპატიტს.
აღნიშნულზე საპასუხოდ სახელმწიფო და არასამთავრობო ორგანიზაციებისა და სხვა პარტნიორებისა და დაინტერესებული მხარეების თანამშრომლობით, უწყვეტად ხორციელდება ამ დაავადებების ეპიდზედამხედველობის, კონტროლის, პრევენციის, დიაგნოსტიკისა და მკურნალობის სახელმწიფო და დონორული პროგრამები, რომელთა ფარგლებშიც უზრუნველყოფილია უნივერსალური ხელმისაწვდომობა შესაბამის მომსახურებებზე. ქვეყანაში ხორციელდება უმნიშვნელოვანესი პროექტი, ამბობს ჯანმთელობის კვლევის კავშირის მკვლევარი, ლაშა გულბიანი.
გლობალური ფონდის (Global Fund) მხარდაჭერით დაავადებათა კონტროლის და საზოგადოებრივი ჯანმრთელობის ეროვნული ცენტრი (NCDC) ჯანმრთელობის კვლევის კავშირთან (HRU) ერთად ახორციელებს მედია კამპანიას რომლის მიზანია ტუბერკულოზის, შიდსის და C ჰეპატიტის შესახებ: სამოქალაქო საზოგადოების მობილიზაცია; საზოგადოების ცნობიერების ამაღლება და ცოდნის გაუმჯობესება; პირველად ჯანდაცვაში ამ დაავადებათა ინტეგრირებული სკრინინგის თაობაზე ინფორმაციის მიწოდება; ინტეგრირებული სკრინინგით მოცვის გაუმჯობესებისა და მკურნალობაზე პაციენტთა ჩართვის ხელშეწყობა.