ზუგდიდის შალვა დადიანის სახელობის სახელმწიფო დრამატული თეატრის დირექტორს ზურაბ ეგუტიას ამავე თეატრის მსახიობი კოკა ხუბუტია ფიზიკურ ძალადობაში ადანაშაულებს. მსახიობის თქმით, შემთხვევა ივნისში მოხდა, ერთ-ერთი სპექტაკლის დასრულების შემდეგ. მსახიობების ნაწილი აცხადებს, რომ ზურაბ ეგუტიას დირექტორად არ თვლიან.ფაქტს უარყოფს თავად ეგუტია, მისი თქმით, საქმე ძიებაშია და ის დაკითხულია და მასთან ერთად კიდევ სხვა მსახიობებიც, თუმცა ეს იყო გაუგებრობა და არა ფიზიკური დაპირისპირება.ზუგდიდის თეატრის სამხატვრო ხელმძღვანელი ლაშა შეროზია აცხადებს, რომ ის რამდენიმე თვის წინ დაინიშნა და მომხდარზე პასუხისმგებლობას არ იღებს და არც დეტალებშია გარკვეული.შეგახსენებთ, რომ თეატრს ახალი სამხატვრო ხელმძღვანელი მიმდინარე წლის ოქტომბერში დაენიშნა, მანამდე კი კულტურის სამინისტრომ ზურაბ ეგუტია დირექტორობიდან გაათავისუფლა. ამ დრომდე დირექტორის თანამდებობა ვაკანტურია, თუმცა, ერთადერთი კანდიდატი ამ პოსტზე ისევ ზურაბ ეგუტიაა. დანიშნავს თუ არა კულტურის სამინისტრო ეგუტიას კადრს, უცნობია.