მთავარისიახლეებიეკონომიკახვალიდან ერთი ამერიკული დოლარის ოფიციალური ღირებულება 2.5026 ლარი იქნება, კვირიკაშვილი ...

ხვალიდან ერთი ამერიკული დოლარის ოფიციალური ღირებულება 2.5026 ლარი იქნება, კვირიკაშვილი კი აცხადებს, რომ არაფერი ექსტრაორდინალური არ ხდება

Published on

საქართველოს ეროვნულმა ბანკმა ლარის ახალი კურსი დაადგინა, რომლის მიხედვითაც, ხვალ, 26 ნოემბერს ერთი ამერიკული დოლარის ოფიციალური ღირებულება 2.5026 ლარი იქნება. აქამდე მოქმედი კურსით დოლარი 2.4852 ლარი ღირდა. შესაბამისად, ლარი დოლართან მიმართებით 0.0174-ით გაუფასურდა. ლარის კურსმა ევროსთან მიმართებაში 2.6505 ლარი შეადგინა. აქამდე მოქმედი კურსით 1 ევროს ღირებულება 2.6259 ლარი იყო. შესაბამისად, ევროსთან მიმართებით ლარი 0.0246- ით გაუფასურდა.
ამით, ლარმა გაუფასურების ანტირეკორდი მოხსნა – . აქამდე ყველაზე მაღალი კურსი 2016 წლის იანვარში დაფიქსირდა, როცა 1 აშშ დოლარის ღირებულებამ ეროვნული ბანკის კურსით 2.49 ლარს გადააჭარბა.
 
 გიორგი კვირიკაშვილის შეფასებით, ამ პროცესში არაფერი ექსტრაორდინალური არ ხდება.  ,,ჩვენი ვალუტა დოლართან მიმართებაში გაუფასურებულია უფრო ნაკლებად, ვიდრე არის ევრო და არის სომხეთის ვალუტა – დანარჩენი ყველა ქვეყნის ვალუტა: ეს არის თურქეთი, მოლდოვა რუსეთი, ყაზახეთი, ბელარუსი, უკრაინა და აზერბაიჯანი, დოლართან მიმართებით უფრო გაუფასურებულია, ვიდრე არის ქართული ლარი, – ეს  მან  საპარლამენტო უმცირესობის წევრებთან შეხვედრისას, მათი კითხვების საპასუხოდ განაცხადა. 
ამასთან,  განმარტა, რომ ბოლო თვეების განმავლობაში გაზრდილი იმპორტი ექსპორტის ზრდით ვერ დაბალანსდა, რამაც ბოლო თვეებში, ვალუტის დამატებით გაუფასურება გამოიწვია. 
“ლარის მსყიდველუნარიანობა დოლართან მიმართებაში კურსით არ განისაზღვრება. ლარის მსყიდვეუნარიანობა ინფლაციის მაჩვენებლით განისაზღვრება. მეორე საკითხია, რომ ლარის დევალვაცია, რა თქმა უნდა, ძალიან მტკივნეულია ჩვენი მოსახლეობისათვის, დოლარიზაციის მაღალი დონიდან და იქედან გამომდინარე, რომ საკრედიტო პორტფელის 63%-ზე მეტი, დოლარიზებულია. ამას ბევრი მიზეზი აქვს. მიზეზთა შორის არის ის, რომ დღეს რეგიონში ყველა ვალუტა, ჩვენი ყველა სავაჭრო პარტნიორის ვალუტა დოლართან მიმართებაში გაუფასურებულია. არის დოლარის გამყარების ტენდენცია. რა თქმა უნდა, მიზეზები არის იმ აჟიოტაჟშიც, რომელიც ქვეყანაში ხელოვნურად იქმნება – თემა ახალი ამბებიდან არ ჩამოდის და ხელოვნური ხელშეწყობა ხდება. შორს ვარ იმ აზრისგან, რომ ლარის გაუფასურებაში ბრალი მხოლოდ ოპონენტებს დავდო, მაგრამ მგონია, რომ ეს ყველა ჩვენგანისათვის ძალიან მნიშვნელოვანი საკითხია. ეს ის საკითხია, სადაც მეტი კონსოლიდაცია უნდა იყოს, მისი გადაჭრის მიმართულებით”, – განაცხადა კვირიკაშვილმა. 
 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...