ციცის სახელოსნოში ყოველთვის ფუსფუსია, ახალგაზრდა მეწარმე ქალმა ბავშვობის ჰობი რეალობად აქცია და დღეს უკვე საკუთარი სახელოსნო აქვს. სამოქალაქო აქტივისტი, ქალთა უფლებების დამცველი 34 წლის ციცინო შენგელია კატო მიქელაძის პრემიაზე ორჯერ იყო წარდგენილი. ხელმძღვანელობს ორგანიზაცია „სამოქალაქო აქტივობისა და თანასწორობის ცენტრს“, სადაც ქალებისთვის თავისუფალი სივრცეა და ღიად საუბრობენ სხვადასხვა თმებზე.
ფიქრობს, რომ ქალები უნდა იყვნენ რეალიზებულნი, მუშაობს მათ გაძლიერებაზე.ყოველ წელს უერთდება ქალთა მიმართ ძალადობის წინააღმდეგ 16 დღიან კამპანიას, უანგაროდ ატარებს ტრენინგებს ქალთა უფლებებზე, განხორციელებული აქვს სხვადასხვა აქტივობები, როგორიცაა ადვოკატირების კამპანია ზუგდიდის მუნიციპალიტეტში სოფლად მცხოვრები ქალებისათვის და მისი მონდომების შედეგად, სოფლებში ნაგვის ურნები დაიდგა. ასევე, ზუგდიდელი ქალებისათვის გამართა ტრენინგები და ვორქშოპები ფორუმ-თეატრსა და სელფ-ქეარ თემებზე, ფორუმ თეატრის ჯგუფი მართავს სხვადსხვა ჩვენებას საზოგადოებაში ცნობიერების ასამაღლებლად. თეატრის მეთოდოლოგიით მუშაობა ქალებს ეხმარებათ მათი პირადი გამოცდილების გაზიარების და საკუთარ პრობმელებზე საუბრის პროცესში.