ზუგდიდის ქალაქმშენებლობის რეგულირების გენერალური გეგმის საჯარო განხილვა გაიმართა დღეს ზუგდიდში. პროექტის კონცეფცია რამდენიმე მიმართულებას მოიცავს, მათ შორისაა: ქალაქ ზუგდიდის მდგრადი განვითარების წინაპირობების შექმნა, სატრანზიტო სატრანსპორტო ნაკადებით გამოწვეული უარყოფითი ზემოქმედების შემცირება, ადმინისტრაციულ-საზოგადოებრივი ცენტრის ფორმირება, ქალაქის ცენტრალურ უბნებისა და ქუჩების განაშენიანების მოწესრიგება, კულტურული მემკვიდრეობის ობიექტების დამცავი ზონების დადგენა, საზოგადოებრივი სივრცეების დადგენა და განვითარება, შეზღუდული ტერიტორიული რესურსების ფონზე მზარდი სამშენებლო საქმიანობების მართვა, ტერიტორიების გამოყენების და განაშენიანების განვითარების პრიორიტეტების დადგენა და სხვა.ქალაქის გენგეგმა „არტსტუდიო პროექტმა“ შეადგინა, კომპანიის წარმომადგენლის  გიორგი სულაბერიძის თქმით, იგეგმება ბულვარის გაფართოება, თუმცა ამას გარდა დღეს საინტერესო მოსაზრებები მოისმინა და სამუშაო ვერსიაში ცვლილებები განხორციელდება.შეხვედრას რეგიონული განვითარების და ინფრასტრუქტურის მინისტრის მოადგილე, მზია გიორგობიანიც ესწრებოდა. მისი თქმით, გენერალურ გეგმას ადგილობრივი ხელისუფლება დაამტკიცებს და  მასში აისახება მოკლე, საშუალო და გრძელვადიან პერიოდში განსახორციელებელი ქმედებები, როგორც ცენტრალური ხელისუფლების, ისე ადგილობრივი თვითმმართველობის მიერ. გენგეგმასთან დაკავშირებით საკუთარი მოსაზრებები გამოთქვეს არქიტექტორებმაც. გეგ გეგმაზე მომუშავე ჯგუფის თქმით,  ის მოსაზრებები და შენიშვნები, რომელიც დღეს მოისმინეს, აუცილებლად იქნება გათვალისწინებული და მოქალქეების საჭიროებებზე მორგებულ დოკუმენტს წარმოადგენენ.