რუსმა ოკუპანტებმა კასპის მუნიციპალიტეტის სოფელ ქვემო ჭალის მცხოვრები, 96 წლის გორა ღარიბაშვილი გაიტაცეს და ცხინვალის მილიციის წინასწარი დაკავების იზოლატორში გადაიყვანეს.
მისი დაკავება ქვემო ჭალის და ოკუპირებული აბრავის გასაყართან მოხდა. ოჯახს გამოსასყიდ თანხასთან დაკავშირებით ცხინვალიდან ჯერ არავინ დაკავშირებია.
როგორც სახელმწიფო უსაფრთხოების სამსახურში აცხადებენ, მათთვის ცნობილია ინფორმაცია საქართველოს მოქალაქის უკანონოდ დაკავების შესახებ. ინფორმაციის გადამოწმების მიზნით კი გააქტიურებულია ,,ცხელი ხაზი’’, ასევე ინფორმირებულია ევროკავშირის სადამკვირვებლო მისია.