ზუგდიდში სააქციო საზოგადოება “ზუგდიდვაჭრობის” წარმომადგენლები, წინა ხელისუფლების დროს უკანონოდ წართმეული ქონების დაბრუნებას მოითხოვენ. ისინი დღეს უნივერმაღ “ენგურის” წინ შეიკრიბნენ და გამაფრთხილებელი აქცია გამართეს.
“როგორც გავიგეთ, ამ შენობაში ამჟამინდელ მეპატრონეს უნდა, გააკეთოს ტოტალიზატორი. ჩვენ ამის წინააღმდეგნი ვართ და ვმართავთ გამაფრთხილებელ აქციას. ასევე, პროკურატურიდან მოგვივიდა წერილი, რომ საქმეზე იწყება გამოძიება,” – განაცხადა აქციის ერთ-ერთმა მონაწილემ თამაზ წულაიამ
საუბარია 35%-ზე, რომელიც 140-მდე აქციონერის საკუთრებაა და რომლითაც ისინი, წლებია ვერ სარგებლობენ.