გაძვირდება თუ არა კვლავ ელექტროენერგიის ტარიფი? ეკონომიკური ექსპერტები არ გამორიცხავენ, რომ სექტემბრის ბოლოდან მოხმარებულ ელექტროენერგიაზე ტარიფი გაიზარდოს. ანალიტიკოსების განმარტებით, უმჯობესი იქნება სახელმწიფომ სუბსიდირების ნაცვლად თავად გადაიხადოს დღგ და ეს თანხა ტარიფში გათვალისწინებული აღარ იყოს, რაც მოსახლეობას გარკვეულ შეღავათს მისცემს. „ენერგეტიკისა და წყალმომარაგების მარეგულირებელი ეროვნული კომისიის“ თავმჯდომარე გურამ ჩალაგაშვილი არც იმას გამორიცხავს, რომ შემოდგომაზე დენის გრაფიკიც დაწესდეს. „კომისიას აუცილებლად მოუწევს ტარიფის გაზრდა, შემდეგ ალბათ სახელმწიფოს მოუწევს სუბსიდირება, წინააღმდეგ შემთხვევაში დარგი დაინგრევა და ენერგო-პრო ჯორჯიას განცხადება, რომ მოსალოდნელია გრაფიკი, მათ ეს არ უთქვამთ ხუმრობით, ეს აბსოლიტურად რეალურია“ – აცხადებს გურამ ჩალაგაშვილი.