„ქალთა მიმართ სექსუალური შევიწროებისა და დისკრიმინაციული ძალადობის“ თემაზე ზუგდიდის საოლქო პროკურატურამ შოთა მესხიას ზუგდიდის სახელმწიფო უნივერსიტეტის სტუდენტებთან შეხვედრა გამართა.პროკურორი ლევან სალია შეხვედრის მონაწილეებს გენდერული ნიშნით დისკრიმინაციაზე, ოჯახში ძალადობასა და დაცვის საკანონმდებლო მექანიზმებზე ესაუბრა.შეხვედრა კითხვა-პასუხის რეჟიმში წარიმართა. სტუდენტებისთვის თემა საკმაოდ აქტიური და საინტერესო აღმოჩნდა. შეხვედრა  ოჯახში და ქალთა მიმართ ძალადობის აღმოფხვრის გლობალური კამპანიის ფარგლებში გაიმართა, რომელშიც საქართველოს პროკურატურა აქტიურად მონაწილეობს.