რუსეთის უსაფრთხოების ფედერალური სამსახურის თანამშრომლებმა მოსკოვსა და სანქტ-პეტერბურგში ტერორისტული დაჯგუფების 10 წევრი დააკავეს. ოფიციალური ინფორმაციით, დაკავებულები ცენტრალური აზიის ქვეყნებიდან არიან და ტერაქტებს რუსეთის სხვადასხვა ქალაქებში, ძირითადად საზოგადოებრივი თავშეყრის ადგილებში გეგმავდნენ.
დაჯგუფების წევრების დაკავებისას ამოღებულია დიდი სიმძლავრის 4 თვითნაკეთი ასაფეთქებელი მოწყობილობა, ცეცხლსასროლი იარაღი, ტყვია-წამალი და კავშირგაბმულობის საშუალებები.
”ტერორისტული აქტების ჩატარებას დაკავებულები სამოქალაქო პირების გასანადგურებლად გეგმავდნენ”, – აღნიშნავენ უწყებაში – დაკავებულებმა უკვე მისცეს აღიარებითი ჩვენებები,რომ კავშირი აქვთ დაჯგუფება ,,ისლამური სახელმწიფოს'' ლიდერებთან , რომლებიც ახლოაღმოსავლეთის რეგიონს ,,კურირებენ'' და თანამზრახველები ყავთ როგორც რუეთის ფედერაცის ტერიტორიაზე, ისე მის ფარგლებს გარეთაც. ტერორისტების დაკავება რუსეთის შშ სამინისტროსა და ყირგიზეთისა და ტაჯიკეთის შესაბამისი უწყებების თანამშრომლობით მოხდა.