ევროკომისიის თავმჯდომარემ ჟან-კლოდ იუნკერმა მისთვის უჩვეულოდ ხისტი განცხადებები გააკეთა.მისი თქმით, დონალდ ტრამპის აშშ-ის პრეზიდენტად არჩევა საფრთხეს უქმნის აშშ-ევროკავშირის ურთიერთობას. „ტრამპის არჩევა წარმოადგენს საფრთხეს კონტინენტთაშორისი ურთიერთობებისთვის – მათ სტრუქტურას და საფუძვლებს“ – განაცხადა იუნკერმა სტუდენტებთან შეხვედრისას. „საარჩევნო კამპანიისას ტრამპმა განაცხდა, რომ ბელგია ევროპის პატარა სოფელია. ჩვენ უნდა ვასწავლოთ არჩეულ პრეზიდენტს, რა არის ევროპა და როგორ მუშაობს ის“ – აღნიშნა მან.ჟან კლოდ იუნკერმა დასძინა, რომ დონალდ ტრამპის განცხადებებს უსაფრთხოების სფეროზე შესაძლოა, დამანგრეველი შედეგები მოჰყვეს.