ნევადაში სიტყვით გამოსვლის დროს დაცვის თანამშრომლებმა დონალდ ტრამპი სცენიდან გაიყვანეს. მიზეზი თავდასხმის საფრთხე გახდა.
უსაფრთხოების სამსახურში შეტყობინება მიიღეს, თითქოს დარბაზში შეიარაღებული მამაკაცი იყო. ის სამართალდამცველებმა დააკავეს, თუმცა იარაღი ვერ აღმოაჩინეს. ინციდენტის შემდეგ დონალდ ტრამპი ტრიბუნასთან დაბრუნდა, ,ვერ ვიტყვი, რომ ეს იოლი იყო, მაგრამ მე ვერავინ შემაჩერებს'' – განაცხადა მან და წინასაარჩევნო მიმართვა განაგრძო.
მოგვიანებით ადგილბრივმა ტელევიზიამ გაავრცელა კადრბი, რომელზედაც ჩანს , თუ როგორ გაჰყავს პოლიციელთა ჯგუფს დარბაზიდან ახალგაზრდა კაცი, რომელსაც ხელები ზურგსუკან აქვს შეკრული.
სარჩევნო შტაბში აკონკრეტებენ, თუ რა სახის შეტყობინება მიიღო დაცვამ, როცა ტრამპის სცენიდან დაუყოვნებელი გაყვანის გადაწყვეტილება მიიღო. როგორც აღმოჩნდა, ვიღაცამ ბრბოს შუაგულიდან დაიძახა ,, პისტოლეტი!'' , რასაც დაცვის დაუყოვნებელი რეაქცია მოყვა – ისინი მთელი სხეულით გადაეფარნენ და მხრებში ხელის ჩავლებით ,,გააჩაქჩაქეს'' სცენიდან კანდიდატი, ხოლო სხვებმა წამსვე გაკოჭეს საეჭვო პირი.
არჩევნებამდე დარჩენილ ორ დღეში პრეზიდენტობის რესპუბლიკელი კანდიდატი პენსილვანიაში, მიჩიგანსა და მინესოტაში აპირებს შეხვედრების გამართვას. ეს შტატები დემოკრატიული პარტიის მხარდაჭერით გამოირჩევიან.
.