დღეს ”ქართული ოცნება-დემოკრატიული საქართველოს” ცენტრალურ ოფისში პარტიის პოლიტსაბჭოს სხდომა გაიმართება. სხდომას პარტიის თავმჯდომარე, პრემიერ-მინისტრი გიორგი კვირიკაშვილი უხელმძღვანელებს.
როგორც პარტიაში აცხადებენ, პოლიტსაბჭო დღევანდელ შეხვედრაზე შეაჯამებს ყველა იმ კონსულტაციის შედეგებს , რომელიც ბოლო დღეების განმავლობაში ინდივიდუალურად მიმდინარეობდა კანდიდატებთან, და საბოლოოდ შეჯერდება და გადაწყდება, თუ ვის წარადგენს მმართველი პარტია მეცხრე მოწვევის პარლამენტში ხელმძღვანელ თანამდებობებზე.
,,პოლიტსაბჭოს ფორმატი არის იმისთვის, რომ საბოლოოდ, ყველა მოსაზრება დაახლოვდეს და შეჯერდეს, შემდეგ განხილვა უმრავლესობის ფორმატში გაგრძელდება. დღეს საბოლოოდ შეჯერდება ვისი კანდიდატურა იქნება პარლამენტისთვის შეთავაზებული ყველა საპასუხისმგებლო პოზიციაზე“, – განუცხადა ჟურნალისტებს ეკა ბესელიამ.
პოლიტსაბჭოს შემდეგ, შეხვედრა ახალარჩეული პარლამენტის უმრავლესობის ფორმატში გაგრძელება.