დღეს, საღამოს 9 საათზე თბილისში, თავისუფლების მოედანზე დაახლოებით 20-30 წლის სრულიად შიშველმა მამაკაცმა ფეხით სამჯერ შემოარტყა წრე წმიდა გიორგის მონუმენტს, თუმცა პატრულმა შოკირებული გამვლელის თვალწინ ოპერატიულად დააკავა იგი.
თვითმხილველთა თქმით, მამაკაცი ფეხსაცმლისა და წინდების ამარა იყო, მან ასეთ მდგომარეობაში გამოიარა ლესელიძის ქუჩა , სწრაფი სვლით გადაკვეთა თავისუფლების მოედანი, წმიდა გიორგის მონუმენტის საყრდენთან არსებულ შადრევანზე ავიდა და მონუმენტის გარშემო წრეების დარტყმა იწყო/
ამ დროისათვის მოედანზე განსაკუთებული ხალხმრავლობა იყო, რადგან იქვე, თბილისის საკრებულოში დიპლომატიის მსოფლიო დღესთან დაკავშირებით საღამო იმართებოდა, რომელზეც უცხოელი დელეგატების გარდა, პოლიტიკური ფიგურებიც იმყოფებოდნენ.
მამაკაცის ამდაგვარი ქცევის მოტივები უცნობია.ინცინდენტის ამსახველ ფოტომასალას ინტერნეტჟურნალი ,,არგუმენტი" ავრცელებს