“წითელი ჯვარი” ცხინვალის ციხეში ექიმის მონახულებას და მისთვის ოჯახის მიერ გაგზავნილი ამანათის გადაცემას ისევ ვერ ახერხებს.
ვაჟა გაფრინდაშვილის გათავისუფლებას ითხოვენ გავლენიანი საერთაშორისო ორგანიზაციებიც. აშშ-ის მისიამ ეუთოში ვენის მუდმივ საბჭოსაც მიმართა. საქმე ორგანიზაციის ანგარიშშიც მოხვდა, რომელშიც საუბარია ექიმის გათავისუფლებასა და რუსეთისა და ცხინვალის საოკუპაციო რეჟიმის მხრიდან გამშვები პუნქტების დაუყოვნებლივ გახსნაზე.
საკითხში ჩართულნი არიან ჟენევის თანათავმჯდომარეებიც. ევროკავშირის სპეციალური წარმომადგენლის ცნობით, თანათავმჯდომარეები, ვაჟა გაფრინდაშვილის დროულად გათავისუფლებისთვის ყველაფერს აკეთებენ. გაფრინდაშვილი ე.წ. საზღვრის კვეთის ბრალდებით 9 ნოემბერს დააკავეს, ის საოკუპაციო რეჟიმის ბრალს არ აღიარებს.